Braindead
Risinn frá dauðum, trúlegast bara til þess að vera grafinn aftur....segjum bara sem svo að námið sé að farga manni. Og ekki má gleyma böllunum. MR í kvöld og Verzló á föstudaginn. Hip hip hurray!!!!!!! Verkfallið rúlar!!!!!!!!

Frí!
Það ætti að banna að gefa frí í fyrstu tveimur tímunum í skólanum. Ef maður mætir á réttum tíma þá er svo leiðinlegt að hanga í skólanum dauðþreyttur og geta ekki sofið eða neitt í heila tvo tíma. Getur ekki lært neitt og ert bara hálfdauður ......OHHHHHHHHHH... Meika þetta ekki baun....

Áfram Ísland!!!!
Landsliðið átti svo skilið að vinna þennan leik á móti N-Írum, voru næstum því alltaf í sókn og bara fjandi óheppnir að skora ekki mun fyrr. Vantar samt einhvern Beckham í liðið, vantaði oft eitthvað upp á seinustu sendinguna fyrir skotið. Ef þeir hefðu ekki skorað þetta mark þá væri alveg hægt að afskrifa þá fyrir fullt og gleðin sem altók mann var gífurleg:)! Og eins gott fyrir Atla. Annars hefði hann verið algjörlega hakkaður í spað af gagnrýnendum. Hann hefur bara staðið sig ágætlega fyrir utan niðurlægjandi tapið gegn Dönum. En það er um að gera að fylkja liði og styðja við bakið á liðinu sama hver þjálfarinn. Það er einungis aukaatriði og algjör óþarf að hefja einhverja rógsherferð gegn Atla.

Mu
Hvað þetta blog dæmi er eitthvað furðulegt, alveg ótrúlegt hvernig hægt er að hrærast í sonna heimi!
Yndislegur dagur í dag, chillaður og fínn. Heimsspekin er í einu orði snilld! Svo fínt að mæta snemma morguns til að spjalla saman um heima og geima og reyna að vekja eitthvað þessara blessuðu sellur til lífsins. Og ég hef einnig komist að því að líffræði er bara nokkuð skemmtilegt fag. Hallelúja. En hvað maður er alltaf eitthvað upptekinn af þessum skóla. Kemst varla neitt annað fyrir í huga manns, enda ekki furða, alltaf eitthvað að gera! Helgin er að nálgast.

Frh. síðan áðan
Ætli ég sé ekki manna verstur í þjóðarrembingi ;-). En bara my problemo sko.

Mikilfengleiki Íslendinga
Afhverju geta ekki Íslendingar verið Íslendingar svona einu sinni? Með þessa annáluðu minnimáttarkennd að vopni væri vel hægt að byggja heilu fjöllin. Okkar íslenska illhýra mál verður fyrir stöðugum leifturárásum málheftra Íslendinga. Hið skrifað mál heldur í bili undirtökunum í bardögunum á blaðsíðuvígstöðvunum en maður bíður eftir því að ensku mál hermenninir fari að "marsera" yfir þá íslensku á talmálsvígstöðvunum. Og ætli þá sé ekki voðinn vís. Reynum að vera eins veraldarvön og hægt er og slæðum inn svona nokkrum enskum eða jafnvel dönskum tísku orðum. Ég skammast mín fyrir þessa fötlun landa minna. Alltaf þarf allt vera í stíl við verk annarra þjóða og við erum alveg að deyja úr þjóðarrembingi og höfðatöluútreikningum. Við ættum að reyna að kenna litlu Íslendingum að lesa upp á nýtt og búa til almennilegan orðaforða. Kom sem sagt á skyldulesningu í skólum, lesa nokkrar bækur á mánuði og reyna loks að kenna þeim eitthvað markvert. En vitiði, það er alveg yndislegt að búa hér og er Ísland besta landið í allri gjörvallri veröld!!

BNA
Vá...hvað hið byltingarkennta Abslide, minnsta og langvinsælasta þjálfunartækið sem er á markaðnum í dag, er alveg einstakt í sinni röð. 3 mínútur á dag koma magavöðvunum í lag. Ég hreinlega verð að kaupa það í Sjónvarpsmarkaðnum á aðeins 4900,- kr. Og síðan stofnar maður Abslide æfingarhópinn sem hittist vikulega saman í 3 mínútur í senn til að æfa magavöðvana. Er eftirsóknarvert að vera með "six pack"? Held ekki, mikið betra að vera með "one pack".

Ohhhh.....
Elska það að vakna með hausverk án þess að hafa hugmynd afhverju. En Panódíl var óvenjufljótt að kippa því í liðinn. Dagurinn var svo yndislega hægur að líða. Tvöfaldur efnafræði náði alveg út af við mann að gera. Samt nær fótboltinn alltaf að peppa mann upp fyrir átök dagsins.... Síðan dásamleiki þess að þurfa að sjá um að loka Sambúð þar sem síðasta vaktin ákvað að mætta ekki. Hausar fjúka!!! Síðan náttúrulega beið mín annar yndislegur hausverkur við heimkomu og var þá notað Parasetamól og einn hálfur tími í svefn.
Og hvað með yndisleika líffræðinnar. Annars var ég að komast að því að ástæðan fyrir því að frumur springa í saltvatnsfiskum þegar þeir fara í ferskt vatn er ekki sú að osmósunin verði of mikil heldur að ákveðið efni, TMAO, sem virkar sem loki í frumunum nær ekki að eyðast út er saltvatnsfiskar fara of snöggt í ferskt vatn. Og heyrirðu það svo Sigurður og aðrir fróðleiksþyrstir menn. (bíður mín sko próf á morgun)

Fæðingin tókst!
Þótt alveg ótrúlegt megi virðast hef ég hér með komist inn á Netið! Veit ekkert hvers konar tjáning mun fara hér fram. En fram líða stundir og hver veit hvað koma skal. Þakka Ágústi kærlega fyrir fögru myndina sem hann skyldi eftir hérna og einnig fyrir fyrstu skrefin. Óska honum einnig velfarnaðar á komandi skóladögum. Útlit síðurnar gerist ekki hrárra en ég hef ætlað mér að nota komandi verkfall til að hressa eitthvað upp á það.
Talandi um þetta blessaða verkfall. Maður vonar bara að kennararnir ætli loksins að fara kveða eitthvað að sér. A.m.k. vorkennir maður greyjunum, þeir ættu alveg skilið mun hærri laun. Eins og þeir nú reyna að troða fróðleikskornum í gegndrepa heila nemendanna og varla gengur nokkuð né rekur í þeim málum. Og að hafa það að lifibrauði. Hvað þá að reyna að tala eitthvað blessaða menntamálaráðherrann til, víst þeir ráða ekki við óharnaða unglinga.
Alltaf er samt til fólk....eins og ég....sem langar til þess að vera kennari. Maður getur ekki annað en vorkennt sjálfum sér svoleiðis grillur. Hvað með það.......alltaf gaman að heyra svona næturröfl!